xestor RSC: julio 2010

CONSELLERÍA DO MEDIO RURAL

Orde do 5 de xullo de 2010 pola que se establecen as bases e se convocan axudas para a creación e mellora de empresas de aproveitamentos forestais.

Versión completa da disposición nun ou varios arquivos pdf: 13000D008P038.PDF

Obxeto: Establecer as bases que regulan as axudas para empresas de aproveitamentos forestais e proceder á súa convocatoria para o ano 2010 . Poderán ser subvencionables os investimentos relativos ás operacións de aproveitamento dos productos forestais (madeira, cogomelos, castañas, plantas aromáticas e medicinais, biomasa e outros productos forestais).

Beneficiarios: Os beneficiarios deberán cumprir os seguintes requisitos:

1. Ser microempresas ou pemes (pequenas e medianas empresas) do sector forestal radicadas en Galicia.

2. Acreditar a súa viabilidade económica mediante algunha das seguintes circunstancias:

-Dispoñibilidade de crédito bancario para o investimento, dun mínimo do 70% do importe deste.

-Vendas por importe superior ao triplo do investimento (na declaración anual de facenda).

-Amortizacións máis beneficios superior á sexta parte dos investimentos (na declaración anual de facenda).

-Contratos de venda ou prestación de servizos por importe superior ao investimento.

-Estudo de viabilidade asinado por profesional cualificado.

3. Deberán cumprir a normativa ambiental, que se acreditará coa presentación do documento de alta no imposto de actividades económicas (IAE) (ou certificación da Axencia Tributaria relativa a este).

4. Deberán ter, polo menos, o 33% do cadro de persoal da empresa con contratos por tempo indefinido.

Prazo de solicitude: 09/08/2010

Ir ó DOG

Subvencións corespondentes ao programa de promoción xeral de investigación do Plan Galego de Investigación, Desenvolvemento e Innovación Tecnolóxica

CONSELLERÍA DE ECONOMÍA E INDUSTRIA

Orde do 6 de xullo de 2010 pola que se establecen as bases para a concesión, en réxime de concorrencia competitiva, das subvencións corespondentes ao programa de promoción xeral de investigación do Plan Galego de Investigación, Desenvolvemento e Innovación Tecnolóxica (Plan Galego de I+D+i) e se procede á súa convocatoria para o ano 2010.

Versión completa da disposición nun ou varios arquivos pdf: 13000D005P014.PDF

Obxecto: Establecer as bases polas que se rexerá a concesión das subvencións co fin de por en marcha os instrumentos previstos no Plan Galego de I+D+i para a execución do programa de Promoción xeral da investigación, e convócanse para o ano 2010.

Ten as seguintes liñas de axuda:

a) Bases reguladoras para a concesión, en réxime de concorrencia competitiva, das axudas para a elaboración de propostas ao VII Programa marco. Deben referirse a algúns dos seguintes conceptos:

- Contratación temporal de persoal específico con dedicación exclusiva á preparación da proposta de proxecto.

- Mobilidade dos membros do equipo de investigación e outros gastos asociados á constitución do consorcio (de ser o caso).

- Asesoramento de expertos externos.

b) Bases reguladoras para a concesión, en réxime de concorrencia competitiva, das axudas para proxectos de investigación básica.

c) Axudas para organización de congresos e reunións científicas por parte de persoal investigador non vinculado ao SUG

d)Axudas para asistencia a congresos e reunións científicas por parte de persoal investigador non vinculado ao SUG

Beneficiarios: Dependeden da liña de axuda:

a) as universidades públicas do sistema universitario e os centros, entes e organismos públicos de investigación pertencentes ás administración públicas, a través dos/as investigadores/as do sistema público de investigación de Galicia que presenten propostas de proxectos nas convocatorias do VII Programa marco abertas ao longo do ano 2010.

b) As universidades públicas e os centros, entes e organismos públicos de investigación pertencentes ás administracións públicas, a través dos equipos de investigación do sistema público de investigación de GaliciaRequisitos:.

- Os membros dos equipos que van realizar ou dirixir o proxecto non participen ou dirixan un proxecto vixente subvencionado con cargo ao programa de promoción xeral de investigación en convocatorias anteriores.

- Ningún integrante dun equipo de investigación poderá figurar en máis dunha solicitude de proxecto do programa de promoción xeral da investigación correspondente á presente convocatoria.

- No se permitirá a presentación, no exercicio correspondente, dun mesmo proxecto de investigación nas convocatorias do programa de promoción xeral da investigación (investigación básica) e en calquera dos programas sectoriais de investigación aplicada.

c) As subvencións serán solicitadas polo responsable do comité organizador do evento específico para a cal se fai a solicitude, e terá que ser necesariamente un órgano individual ou colectivo dun centro público de investigación radicado en Galicia.

d) As axudas poderán ser solicitadas polos/as investigadores/as do cadro de persoal, outro persoal investigador contratado e bolseiros ou contratados predoutorais e asimilados que desenvolvan a súa actividade en centros públicos de investigación radicados en Galicia. Para ser beneficiario, o investigador deberá participar no evento científico presentando resultados do seu traballo de investigación en calquera dos formatos aceptados neste tipo de eventos.

Prazo de presentación de solicitudes: 09/08/2010