xestor RSC: 07/21/09

Convocatoria da concesión de subvencións sometidas ao Réxime Xeral de subvencións, durante o ano 2009

Ministerio de Igualdade

Subvencións

Resolución do 13 de xullo de 2009, do Instituto da Muller, pola que se convoca a concesión de subvencións sometidas ao Réxime Xeral de subvencións, durante o ano 2009.

PDF (BOE-A-2009-12120 - 33 páxs. - 720 KB)

Ir ó BOE

Convenio para colaborar nas actuacións de investigación e desenvolvemento

Ministerio de Ciencia e Innovación

Comunidade Autónoma de Galicia. Convenio

Resolución do 23 de xuño de 2009, da Secretaría de Estado de Investigación, pola que se publica o Convenio de colaboración, entre o Ministerio de Ciencia e Innovación, a Consellería de Innovación e Industria da Xunta de Galicia e a Fundación Centro Tecnolóxico de Supercomputación de Galicia, para colaborar nas actuacións de investigación e desenvolvemento a través da construción dun edificio para albergar as novas instalacións do CESGA.

PDF (BOE-A-2009-12118 - 11 páxs. - 274 KB)

Ir ó BOE

Convocatoria 2009 de Proxectos Singulares e Estratéxicos

Ministerio de Ciencia e Innovación

Orde CIN/1950/2009, do 15 de xullo, pola que se modifica o prazo de presentación de solicitudes á convocatoria 2009 de Proxectos Singulares e Estratéxicos, efectuada por Orde CIN/1657/2009, do 15 de xullo.

PDF (BOE-A-2009-12116 - 1 páx. - 157 KB)

Ir ó BOE

Convocatoria 2009 de Plataformas Tecnolóxicas

Ministerio de Ciencia e Innovación

Axudas

Orde CIN/1949/2009, do 15 de xullo, pola que se modifica o prazo de presentación de solicitudes á convocatoria 2009 de Plataformas Tecnolóxicas, efectuada por Orde CIN/1728/2009, do 16 de xuño.

PDF (BOE-A-2009-12115 - 1 páx. - 157 KB)

Ir ó BOE

Convite a empresas españolas a presentación de proxectos susceptibles de ser financiados con cargo á liña de crédito FAD-PYMEs.

Ministerio de Industria, Turismo e Comercio

Axudas

Resolución do 9 de xullo de 2009, da Secretaría de Estado de Comercio, pola que se convida a empresas españolas a presentar proxectos susceptibles de ser financiados con cargo á liña de crédito FAD-PYMEs.

PDF (BOE-A-2009-12114 - 9 páxs. - 276 KB)

Ir ó BOE

Regulamento Técnico de control e certificación de prantas de viveiro de froiteiros

Ministerio de Medio Ambiente, Medio Rural e Marino

Prantas de viveiro de froiteiros. Regulamento

Orde ARM/1937/2009, do 15 de xullo, pola que se modifica o Real Decreto 929/1995, do 9 de xuño, polo que se aproba o Regulamento Técnico de control e certificación de prantas de viveiro de froiteiros.

PDF (BOE-A-2009-12056 - 3 páxs. - 176 KB)

Ir ó BOE

Traballo destina preto de 600.000 euros ao fomento e consolidación das asociacións de cooperativas galegas

A Consellería de Traballo e Benestar destina preto de 600.000 euros ao fomento e consolidación das asociacións de cooperativas galegas. O departamento, dirixido por Beatriz Mato, aposta por este modelo económico en tanto ten “demostrada” a súa capacidade de resistencia fronte á crise.

Esta achega foi formalizada hoxe a través da firma de varios convenios de colaboración entre a conselleira de Traballo e Benestar, Beatriz Mato, e as asociacións de cooperativas galegas (AGACA, EIXO, UGACOVI, SINERXIA, UCETAG, UGACOTA).

En concreto, estas axudas ascenden a 599.231 euros. Da cantidade total, uns 452.000 euros destínanse a gastos normais de funcionamento e 147.031 euros a actividades de promoción do cooperativismo, como a realización de estudos e publicacións, cursos ou plans de mellora.

Para a conselleira, esta liña de colaboración terá “especial relevancia” ao longo da lexislatura, especialmente no que se refire á divulgación do cooperativismo. Este departamento, indicou Mato,considera que, con este modelo, poden obterse “empregos estables e de calidade”, que compatibilizan a “flexibilidade e seguridade laboral”.

Esta aposta cobra máis importancia en tempos de crise, xa que a pesares de que os principios do cooperativismo “sempre están aí”, en situacións económicas como a actual “acrecentan” o seu valor, xa que proporcionan “respaldo” aos seus socios” e poñen as súas necesidades “no primeiro plano”, argumentou a titular de Traballo.

Por iso, a Consellería de Traballo considera que as cooperativas poden asumir un “importante” papel na recuperación económica, promovendo o desenvolvemento sostible e o benestar social na comunidade.