Resolución do 19 de xaneiro de 2010 pola que se fai público o acordo do Consello de Dirección do Instituto Galego de Promoción Económica-Igape polo que se modifican as bases reguladoras das axudas para a habilitación de tres liñas de financiamento subsidiado para microempresas, proxectos emprendedores e investimentos das pemes para a mellora competitiva (Programa Re-Imaxina).
Versión completa da disposición nun ou varios arquivos pdf: 01500D004P014.PDF
Ampliación do prazo de presentación de solicitudes que finalizará o 30 de xuño de 2010
Nova relacionada:
Axudas para o financiamento subsidiado para microempresas, proxectos emprendedores e investimentos das pemes para a mellora competitiva
Obxecto: Estas bases regulan o contido e procedemento de tramitación de tres liñas de financiamento subsidiado para facilitar o acceso ao financiamento nos investimentos das microempresas, dos emprendedores, e das pemes que melloren a súa competitividade:
Liña 1 - Microempresas: créditos para financiar investimentos nas microempresas galegas.
Liña 2 - PEME Xove: créditos para financiar investimentos en proxectos emprendedores galegos.
Liña 3 - PEME Competitiva: créditos para financiar investimentos que permitan mellorar a competitividade das pemes galegas.
Beneficiarios das liñas de crédito:
Liña 1 - Microempresas: empresas con domicilio fiscal en Galicia, que teñan a consideración de microempresas e que teñan algún centro de traballo na nosa Comunidade.
Liña 2 - PEME Xove: PEMES que exerzan ou teñan intención de exercer a súa actividade económica en Galicia, sexa en forma de persoa física ou calquera forma de persoa xurídica de obxecto empresarial.
Liña 3 - PEME Competitiva: PEMES que veñan exercendo en Galicia por un período superior a dous anos algunha das actividades recollidas no anexo II destas bases
Tamén poderán acceder á condición de beneficiario as persoas físicas, agrupacións de persoas físicas ou xurídicas, as comunidades de bens ou calquera outro tipo de unidade económica ou patrimonio separado que, aínda carecendo de personalidade xurídica, poidan levar a cabo as actividades ou se atopen na situación que motiva a concesión da subvención.
Actividades obxecto de financiamento:
Para as operacións das liñas 1 e 2, establecidas no artigo anterior poderán ser obxecto de financiamento ao abeiro destas bases todas as actividades económicas, agás:
- As actividades relacionadas coa exportación, a creación de redes de distribución e investimentos vinculados á actividade de exportación.
- As actividades do sector do carbón.
Para as operacións da liña 3 establecidas no artigo anterior, a beneficiaria deberá desenvolver algunha das actividades recollidas no anexo II a estas bases.
