Así o transmitiu a conselleira Beatriz Mato aos responsables das asociacións Special Olimpycs e Fademga Feaps Galicia, no transcurso dunha reunión na que as agrupacións presentáronlle á conselleira un proxecto para desenvolver o Camiño de Santiago. No encontro tamén participaron a secretaria xeral de Familia e Benestar, Susana López Abella, e o director xeral de Xuventude e Voluntariado, Ovidio Rodeiro.
O obxectivo do plan que elaboran estas agrupacións é permitir a participación das persoas con discapacidade intelectual no Camiño de Santiago, tanto das federadas
a entidades como as que non o están.
Ademais, tanto Special Olimpycs como Fademga Feaps Galicia apostarán para que o próximo ano cheguen ata Santiago persoas con discapacidade intelectual,
non só de Galicia, senón doutras comunidades autónomas e do resto de Europa.
O proxecto desenvolverase na segunda quincena do mes de xuño e a intención é que este colectivo poda elixir entre facer o Camiño de Santiago completo ou
unha etapa simbólica. Ademais, realizarase unha xornada de convivencia na que se prevé que participen preto de 2.000 persoas.
A conselleira Beatriz Mato considerou que se trata dun proxecto “moi interesante” e destacou a importancia de que as administracións públicas colaboren con este tipo de asociacións que traballan polo benestar das persoas discapacitadas.
De feito, sinalou que a reunión con Special Olimpycs e Fademga Feaps Galicia é un encontro máis dos numerosos que mantén o Goberno galego con estes colectivos co obxectivo de escoitar as súas demandas e colaborar coas súas actividades.
